विद्यार्थीलाई मतदाता शिक्षा

शिखर माध्यमिक विद्यालय रामघाटमा अध्ययनरत विद्यार्थीहरूलाई मतदाता शिक्षा प्रदान गरिएको छ । नेत्रहीन युवा संघ नेपाल, सुर्खेत शाखाले सोमवार विद्यालयमा पुगेर करिब ८० जना विद्यार्थीलाई स्थानीय तहको निर्वाचन लक्षित मतदाता शिक्षा दिएको हो ।

विद्यार्थीहरूलाई स्थानीय सरकारको संरचना, यसले गर्ने काम, निर्वाचनको महत्वका साथसाथै मत बदर नहुने गरी मतदान गर्ने तरिका बारे बसन्त जैसीले प्रयोगात्मक प्रशिक्षण दिएका हुन् । प्रशिक्षणपछि विद्यार्थीहरूलाई निर्वाचनका बारेमा धेरै कुराको जानकारी पाएको जैसीले बताए ।

नेत्रहीन युवा संघ सुर्खेतका कोषाध्यक्ष सम्झना बडुवालको अध्यक्षतामा भएको कार्यक्रमको सञ्चालन संघका सदस्य विष्णु दाहालले गरेका थिए ।

 

यो समाचार मिति २०७८ साल चैत्र २८ गते / तदनुसार ११ अप्रिल, २०२२ मा साझा बिसौनी दैनिकको अनलाइनमा र २०७८ साल चैत्र २९ गतेको छापा तथा अनलाइन संस्करणको अङ्कमा प्रकाशित छ ।